人哋睇到你嘅廣告但唔購買？

首先，我話俾你聽點解你嘅廣告未能將你嘅觀眾轉化為付費客戶之前。

我亦都曾經犯過同樣嘅錯誤，完全喺度亂咁嘥錢落廣告。

但之後就發現我做錯咗啲咩，而家已經唔使擔心話得唔到回報。

冇明確嘅 Offer 或者冇 Low threshold offer.

我相信你一定有見過大型公司搞嘅廣告，佢哋展示產品或服務。

但係你哋會見唔到其實佢哋個廣告嘅目的係咩，

佢哋只係做緊品牌建造而且嘗試扮搞笑同創意。

我冇話咁樣做法係錯嘅。

如果你有數百萬港紙廣告預算，你當然可以咁樣做啦。

但如果你只係得嗰幾千蚊，又或者幾萬蚊嘅廣告預算，咁樣做法就真係唔可行啦。

人哋睇到你嘅廣告，但冇响動任何行動。

想像一下，你設計咗個非常之好嘅廣告，圖片又吸引，廣告文案又說服力嘅，你啲觀眾又對呢個廣告有興趣。

但點知佢哋冇 Take action 。

點解？因為你個Offer搞到佢哋失去興趣！

差劣Offer例子：「如果你想將 100 萬轉移到你嘅戶口，賣咗你嘅腎臟佢！」

見到呢一句嘅人一定會諗：「 Holy shit! 你都有病嘅，我想生存耐啲喎大佬。」

OK，唔夠爛gag。

但係你明唔明白我想表達啲咩先？

你對佢哋嘅要求太多啦。

我已經見過好多好差劣嘅Offer。

例如：「限時優惠30日」

「 立即book個免費20分鐘嘅Zoom call 」

「立刻打電話預約」

依家其實冇人係想再打電話預約㗎啦。

咩你真係認為有人會抽出 20 分鐘同一個佢哋自己都唔熟悉嘅人進行 Zoom 通話？

如果你仲未意識到，其實呢啲 Offer 係完全浪費時間㗎！

因為門檻高，人哋只會以為你淨係 Care about Money！

點樣設計一個冇人會拒絕嘅Offer？

如果你想見到你嘅觀眾採取行動，你一定要創造一個不可抗拒嘅Offer。

呢個 Offer 一定要簡洁，包括明確嘅 Limited ask。

「 對某人了解一點總比什麼都不知道好。 」

記住，大多數人係唔會立即購買，所以我非常建議收集佢哋嘅聯絡資訊先。

例如電郵地址。

咁樣我哋可以同啲 Leads 建立關係，提升轉化佢哋為付款客戶嘅機會。

通過定期聯繫，我哋可以將啲潛在客戶轉化為付款客戶！